Hunter X Hunter Pedaran 1 Bagian 2

Di episode sateu acanna Gon bade dikereuweus ku binatang buas.

Tah tinggal tina episode lalaki anu dina carita saacanna lagrag tina luhur sasak lumpat gagancangan nulungan Gon

Kalayan sigap pedangna tijieun alat panangkis kuku-kuku Katstu megumi. Kalayan ku enteungna cokor katstu megumi anu badag tur kuku nu maencos eta ditahan ngan hungkul ku sabelah leungeunna

Nyata pisan ukuran geude atawa leumet teu bisa jadi ukuran saha anu leuwih kuat

Hampura, tapi sato buas nu sok nyilakakeun manusia teu bisa dianteup hirup

Bresss!!! pedangna nembus kanu awak katstu meguni nepi kaparat anu akhirna ngakibatkeun eta sato tumbang

Gon olohok tapi heunteu bari ngacai nalika ningali sato eta tumbang

Lalaki eta ngadeukeutan Gon tului megatkeun akar anu melit kanu suku Gon ngagunakeun pedangna

"Bisa nantung, jang?"
"Muhun." Tapi pas Gon nangtung peureup lalaki eta langsung nonjok beungetna Gon. Wah sadis pisan eta lalaki teh, bisa dilaporkeun ka KPAI tah mun di Indonesia mah

Tuh tingali budak leutik diteunggeul nepi ka ngacleung kitu, teu disebut sadis kumaha sok? Tapi tong hariwang da ieu mah ngan saukur carita dina kartun, lain saperti anu disebut "kekerasan terhadap anak" ceuk KPAI tea mah

"Naha ari silaing bodo ulin di leuweung peuting-peuting kieu?"

"Tingali tuh aya tanda kakawasaan ketstu meguma!" Hmmm, geuningan katstu meguma mah mere tandana siga kitu lain siga sato nu sejenna saperti ku cara nyirian ku cai ompolna

"Sato nu pang tololna oge pasti bakal kabur kusabab kasieunan." Cek si lalaki tadi nyarekan si Gon, "naha bapa meneh teu ngajarkeun nu siga kitu?!"

"Hmm, kuduna tadi maneh teu kudu ditulungan we."

"Abdi teu gaduh indung bapa, saurna teu lami saatos abdi dilahirkeun kadua kolot abdi ngantunkeun kulantaran kacilakaan. Ayeuna abdi di asuh ku bibi abdi." Gon nyoba pikeun ngajeulaskeun.

"Mun kitu hampura atuh, aa."


"Teu nanaon, a, hatur nuhun tos ngabantosan abdi." Ceuk si Gon, "tului kumaha anak satona?"

"Rek dipaehan, dari pada sato eta paeh alatan kalaparan. Barina oge lamun sato eta gede engkena bakalan dendam ka manusa ku lantaran indungna dipaehan."

Nalika lalaki eta ngayunkeun pedangna pikeun maehan anak katstu maguma Gon langsung luncang ngagabrug anak katstu meguma eta. "Kunaon beut ditulungan?" Tanya lalaki eta ngarasa heran.

"Bade dipiara ku abdi."

"Teu mungkin! Katstu meguma moal bisa nurut ka manusa."

"Keun bae!" Cek Gon kalayan ngagunakeun sora nu rada ngabentak.

"Nya geus lah kumaha silaing, teu beunang dibejaan ku kolot mah!"

Hunter X Hunter Pedaran Kahiji

Jauh di hiji padesaan hirup hiji kaluarga anu di isian ku saurang bibi anu namina Mito, saurang budak lalaki nu namina Gon sarta saurang nini anu duka saha namina. Geroan we ma Icih meh teu bingung

Bibi Mito katinggal nuju balueng, anjeunna nuju ngemutan budak lalaki anu di asuh ku anjeunna ti keur orok keneh nyaeta Gon tea

Bibi  Mito mandang kosong ka luar jandela ngalamunkeun ngenaan naon anu bakal karandapan ku Gon kahareupna kalayan hariwang

Samentawis eta Gon nyalira ngadon anteung nyalira bari nyongkoyod dina luhur tatangkalan bari mancing

Tah ieu anu aya dina poto nyaeta bapana Gon anu nuju aangkatan ngajalankeun tugasna. Anjeunna teu acan kantos mulang pikeun ningali anakna sanajan sakali

Di kasempatan anu sejenna aya hiji parahu anu bade nyisi ka eta padesaan. Saha eta nu aya dina parahu??? Naha bapana Gon??? atawa panginteh penjahat anu bade ngacaukeun desa??? Ah, urang tinggal we pedaran crarita salajeungna

Aduh... Ieu angin kuat ka ngageuleubug, sigana mah erek aya angin puyuh, neng

Muhun, ma, mangkaning si Gon teu acan uih nuju ameung keneh. Kamananya eta budak teh, apal cuaca keur kieu lainna geura-geura balik, ngadon ngahariwangkeun kolot wae

Ah, neng, anteupkeun we budak eta mah teu kedah dipikahariwang da alam mah geus siga bapana sorangan

 Tapi kan manehna geus janji rek balik samemeh surup panon poe, eneng aliem Gon janteun jalmi nu teu tiasa nyeupeung deuleug kana janjina

Teu perlu khawatir, neng, Gon mah incu ema anu bageur.

Tapi kan ma, Gon masih budak keneh, kumaha pami aya nanaon sareung Gon?

Tong hilap, neng, sanajan eneng ayeuna tiasa ngageuntoskeun ibuna tapi eneng teu tiasa ngageustoskeun peran bapana

Bibi Mito ngareunungkeun sakedap naon anu nembe diucapkeun ku emana, "memang Gon meryogikeun sosok saurang bapa sangkan jadi panutan". Geureunteus hate bibi Mito.

Tah geuningan, suku saha ari ieu? Mamawa pedang deuih sigana teh!

Alah geuning rambutna meuni panjang, naha istri kitu anjeunna teh?

Alah, eta nuju mapah dina sasak, kade ah bilih tikosewad!

Tuh kan lagrag ceuk keng ge!

Euleuh-euleuh geuningan jalu, para wargi...

Hmmmm, teu boga pamadeugan pisan. Tadi di laut hayang ka darat, ayeuna geus di darat rek ka laut deui

Tah, tah, ari ieu kartu naon? Boa-boa kartu remi? Hmmm, sigana manehna tukang judi keur neangan lawan tanding!

Tah, tah, aya naon deui panonna rada neleng, boa-boa geus manggihan musuh!

Tah geuningan. Kumaon si Gon siga nu kasieunan kitu?

Buset! Aya nu kieu patut geuningan. Tah binatang ieu teh namina Kitstu Megumi. Ieu ngarupakeun jenis binatang buas anu aya dina carita ieu










Suku Gon kabeulit ku akar tatangkalan. Gon, ngusahakeun sangkan dirina bisa leupas dina jeuratan akar eta, tapi tanaga leumetna teu mampu pikeun megatkeun eta akar

Bahaya, baraya, Gon erek dikeureuweus ku cakarna....!!!










Adu, hampura para wargi, panginteun caritana kedah bersambung mangkaning raramena. Insya Allah engke di guar deui dina pedaran anu salajeungna.  Hatur nuhun, mudah-mudahan para wargi sadaya kahibur. Punteun bilih aya carios anu ngawur bahasa anu teu ka riksa.